info@palauli1.ws

Send us an email

+6857200303

Call us

Office Hours

Moday to Friday 9:00 AM - 5:00 PM

FONO FAAVAE ITUMALO O PALAULI 1

TAGA    |    SIUTU     |      SALAILUA    |     SATUIATUA    |     FOAILUGA    |    FOAILALO     

Xmas
20231113_102924
20230818_114051
20231113_094523
20231113_114108
20231113_102745
20231113_102727
20230818_120141
20230818_120010
20230818_113955
20230818_110910
previous arrow
next arrow
BACK TO TOP

UPU TOMUA

Matou te fiafia e faalauiloa atu le Upega Tafailagi a le Itumalo Palauli No. 1.

 O lenei upega tafailagi o se galuega ua tu’ufa’atasia e le Fono Faavae a le Itumalo faatasi ai ma le Aufaigaluega, ae fa’atupeina i lalo o le Poloketi Miliona Tala (1Million Grant Project).

O le taga’i mamao o le Itumalo ma le Fono Faavae, o le fa’aaoga lea o le upega tafa’ilagi e fai ai fefa’ataua’iga fa’atekonolosi (e-market) o fua o fa’atoaga, measina, mata’aga ma isi gaioiga a le Itumalo e le gata i Samoa nei, ae faapea fo’i mo ē alala i atunuu mamao.  O se auaunaga e fesoasoani tele i le tamāoaiga o aiga, nuu ma afioaga o le itumalo ma e ta’uta’ua ai le Itumalo i le sogasogā i le fa’aaogaina o metotia fa’aonaponei, e fa’aaoga ai auala fa’atekonolosi.

O le upega tafailagi a le Itumalo o se atinae i le Vaega Faamuamua 20 o le ‘Taiala a Atinae a Palauli No.1 2022-2026’:

            “atia’e metotia fou i le fa’aaogaina o feso’otaiga ma fa’amatalaga fa’atekonolosi”

E mitamita le agaga e fa’alauiloa atu o le Itumalo muamua lenei i Samoa ua fa’atinoina se upega tafailagi i lalo o le Poloketi Miliona Tala.   Afio mai laia. Taga’i i atina’e ua fa’atinoina. Asiasi ma matamata i le Itumalo Palauli No.1 e ala i ata tapu’e.  Faitau i lona faasinomaga ma tala tu’u. 

O lenei upega tafa’ilagi o lo’o faaleleia pea i aso taitasi ma o lo’o maua le avanoa e aumai ai ni finagalo aua le fa’aleleia atoatoa o lenei auaunaga faatekonolosi a le Itumalo.

Feso’ota’i mai pe ā iai ni fesili po’o le fia fesoasoani atili i le fa’aleleia o atinae fai a le tatou Itumalo

Taitaifono ma le Fono Faavae – Itumalo Palauli No.1

Hon. MULIPOLA ANAROSA ALE-MOLIOO

TALAAGA O LE ITUMALO

O le Itumalo lenei o Palauli No.1 sa ta’ua o Palauli Sisifo.  E ono (6) afioaga o lenei itumalo: Foailalo, Foailuga, Satuiatua, Salailua, Siutu ma Taga. 
O lo’o faapipii atu i lalo le fa’afanua mo le silafia:

O le tusigāigoa a le Ofisa o Fuainumera Faamauina i le 2016 sa fa’amauina ai le faitau aofai o le itumalo atoa e 3,334.  E 1,686 alii ae 1,648 tamaitai.  A o le tusigāigoa o Novema 2021 sa fa’amauina ai le si’itia o le aofai o le itumalo i le
3,451.  O lona uiga e 117 le fa’aopoopoga o le itumalo i lenei 5 tausaga.

O le vaevaega i afioaga taitasi o le itumalo o le faitau aofa’i ia Novema 2021 o lo’o faapipii atu mo le silafia:

O le toatele o le afioaga e i le va o le 15-64 tausaga (1,813) ma e 95 ē o lo’o faamauina e iai o latou aafiaga tumau; e 44 alii ae 51 tamaitai[1]. 

O le tele o afioaga e tū lalata i le sami ma o se suesuega a le Matagaluega o Punaoa Fa’anatura ma Siosiomaga (MNRE) i le 2018 sa fa’amauina ai le manaomia e toe sifi i tua (mamao ese mai ma le sami) le auala tele a le Malo aua puipuiga mai le si’isi’i o le sami faapea ai ma lamatiaga i eleele tafia i le gataifale, ma e ono aafia i ni fa’alavelave ma’ale’ale faalenatura (ft: sunami, galu tetele) ona motusia ai lea o feso’otaiga ma femālaga’iga mo e fia malaga i le falemai a le itumalo

Aoga – o le Aoga Maualuga a le Itumalo (College) e i Salailua ma e 355 le aofa’i o alo ma fanau o lo’o aoaoina ai i le 2023; e 292 mai le itumalo o Palauli No.1, 48 mai Salega 1 & 2[2] ae 15 mai le itumalo o Vaisigano[3].  E 3 aoga Tulagalua (Primary Schools); Salailua, Gagaemalae Satuiatua ma Taga.  O alo ma fanau mai Siutu o lo’o a’otauina i le Primary School i Salailua a’o alo ma fanau a Foailalo ma Foailuga o lo’o a’otauina i le Primary School i Gagaemalae, Satuiatua.  E 6 A’oga Amata.  E 4 (1 Taga: SDA; 1 Satuiatua (Metotisi); 1 Foailalo (Metotisi); 1 Salailua (private) ua resitaraina ae 2 e le’i resitara ona o aiaiga a ekalesia (ofo fuaina o le auaunaga).  O le aofaiga atoa o fanau a le Itumalo i totonu o aoga nei o lo’o faapipii atu:

E iai nisi o fanau a le itumalo na ausia togi manaomia e a’otauina ai i le Univesite i Le Papaigalagala (National University of Samoa) i le 2023. O nisi o nei fanau o lo’o totogiina ō latou pili e le Malo (sponsored), o nisi o lo’o totogi e
Faifeau o ō latou afioaga, a’o isi o lo’o fesoasoani iai aiga ma tama fanau a
le itumalo.

Suavai – O afioaga i le itu sisifo o le itumalo o lo’o fa’aaogaina le suavai mita lea ua fa’amamāina a le Pulega o le Suavai a’o isi o lo’o fa’aaogaina suavai mai vai tumaoti, vai timu, a’o nisi o lo’o faalagolago pea i loli vai e maua ai le suavai.  Na faamauina i le CIM o lo’o iai vai ‘taele’ a le itumalo ae o le tele o nei vai taele e le mamā ma e tele ina mai.

Eletise – ua tele ina so’o le itumalo ua ola i le eletise ae
to’a laiti lava nai aiga o lo’o fa’aaoga pea molī sela ma molī kerosini e
faamumū i le po.  E tele ina leai ni molī
auala i nu’u tūtotonu ma mamao ese mai ma le auala tele a le Malo.

Soifua Maloloina – E iai le falemai fa’aitumalo o lo’o i Foailalo. O se auala foi lea o lo’o maua ai galuega a nisi o tamaitai tausi ma’i o le itumalo.

Mata’aga/Fale Talimalo – o le mata’aga pito ta’uta’ua i totonu o le itumalo o le Pupū (Blow Holes) o lo’o i le afioaga o Taga.  E tasi le fale talimalo; Satuiatua Beach Resort, ma o lo’o maua ai foi galuega a nisi o le itumalo.

Fa’atoaga ma Faigafaiva – e iai fa’asao a nisi o afioaga o le itumalo ae o le fa’asao e pito sili ona tele ona i’a ma figota e maua ai, o le faasao i Satuiatua.  E 544[1] tagata o le itumalo e galulue i galuega fa’afaatoaga.

E iai le talitonuga o le fesoasoani mai a le tatou Malo e auala mai i le Poloketi 1Miliona faapea ai faiga Pa’aga ma matagaluega eseese, Paaga Atinae o Samoa (development partners) ma Tama Fanau a lenei itumalo, o se fesoasoani tele lea i tagata o le itumalo e maua ai se tulaga mausalī i le itu tau tamaoaiga, saogalemū, soifua maloloina ma filemu aemaise se siosiomaga tamaoaiga i le ‘oa faalenatura.

Map1: Palauli No.1 District. Source: SBS: Faamaumauga ma Faamatalaga o le Itumalo o Palauli Sisifo 17 Tesema 2018

Table 1: Population by village and gender Source: SBS Census 2021

Table 2 : Numera o fanau aooga o le Itumalo

FAAMATALAGA O LE POLOKALAME

SINI AUTU

Ia fa’aagava’aina alalafaga, faamausalī le lotoifale, ma fa’ama’ite le fa’atupula’ia o le tamaoaiga mausalī o le Itumalo o Palauli No.1

“O polokalame uma e lima ta’ita’iina e le Taiala o Atinae mo le Itumalo o Palauli No.1 2022-2026”

O lenei Taiala ua tu’ufaatasia ai manaoga o le Itumalo i vaega e tatau ona ave iai le fa’amuamua, ma e o gatasi lava ma vaega autū o lo’o ave iai le faamuamua o le Taiala mo le Lumanai Manuia o Samoa (Pathway for the Development of Samoa) 2021/22-2025/26.

O vaega faamuamua e le itumalo e aofia ai (i) Fa’aleleia o le Soifuaga Lautele (social wellbeing); (ii) Tamāoaiga e Gafataulimaina (economic growth); (iii) Pulega/Taitaiga Fa’atuatuaina ma Lelei (trusted governance); (iv) Siosiomaga e Malupuipuia ma Suiga o le Tau (environment & climate resilience); faapea ai (v) Atina’e Tetele (infrastructure).

O le fesoasoani malosi a le tatou Malo e ala mai i le Poloketi Miliona Tala (1Million Grant Project) o lo’o faatupeina ai nei galuega ma atina’e a le itumalo.

Tapenaga o le Taiala o Atinae mo le Itumalo o Palauli No.1

E lua (2) fonotaga ma le a’oa’oga (training) e lima (5) aso na fa’ataunuuina e le faufautua a le itumalo (tama fanau a le itumalo mai le afioaga o Foailalo) i le tapenaina ma tapenaga o le faagasologa o atina’e

VAEGA TAUA | KEY dEVELOPMENTS

01

Faalelei le Atinaega o le Soifuaga Lautele

E tolu (3) vaega o lo’o ave iai le faamuamua a le Itumalo. (1) avanoa i manaoga taua o le soifuaga ma aiā tatau fa’aletagata soifua e aofia ai ma auala e fesoasoani ai i ē iai a’afiaga tumau (2) polokalame e una’ia ai le taumafa ma atina’e mo le soifua maloloina e aofia ai ma le

 fa’asopolia o le vai taumafa mama; (3) fa’atauaina o le ola a’oa’oina o alo ma fanau; fa’aleleia o aoga fa’ataitai i afioaga talafeagai; faapea ai ma le faia o se polokalame fa’a-sikolasipi mo alo ma fanau a aiga lima vaivai o le itumalo

02

Faalauteleina O le Tamaoaiga Ma Gafataulimaina

E lima (5) vaega o lo’o ave iai le faamuamua a le Itumalo. (1) teugatupe i le Faaputugātupe Teu Fa’afaigaluega o Mavaega Tausi a Samoa (UTOS) e si’itia ai alagātupe ma le tamāoaiga mausalī o le Itumalo; (2) faatoaga ma faigafaiva e aofia ai le fa’aleleia o fa’atoaga ma lafumanu, (povi,

pua’a, moa, mamoe), faapea ai ma le toe fa’aleleia o fa’asao o ‘ia ma figota. (3) fesoasoani i le fa’aleleia o pisinisi laiti/feololo e aofia ai fale lalaga ma le gaosia o le siapo faapea ai ma nisi pisinisi tau atia’e (4) Siitia avanoa faigaluega i atunuu i fafo ma e manaomia ai le (a) Fa’aagava’aina o le Fono Faavae ma le aufaigaluega i le polokalame RSE ina ia latou mafai ona fesoasoani i le fa’atumuina o tusi talosaga, tapenaga o le resitara, faapea ai ma tapenaga o tagata i aiaiga o konekarate a kamupani mai fafo.​

03

Saogalemu Ma le Faatuatuaina O Pulega Lelei

E tolu (3) vaega tetele e fa’amuamua e le Itumalo i lalo o le Autu 3.  (1) Fausia tulafono laiti (village by-laws) o nuu ma afioga o le Itumalo.  O nei tulafono laiti e le gata i le taga’i i pulega lelei a Alii ma Faipule, ae o le a tu’u ai foi i totonu le pulea lelei ma le puipuiga o punao’a

faalenatura ma vaega o lo’o tapu’e ai le suavai i totonu o Palauli No.1  (2) Fa’aagava’aina le Fono Faavae ma le aufaigaluega i tulafono ma aiaiga o lo’o lima ta’ita’iina ai le Poloketi 1 Miliona (ft: Project Operating Manual, Financing Agreement). (3) Fa’aagava’aina le Fono Faavae, aufaigaluega ma le Itumalo i tiute ma matāfaioi a matagaluega eseese a le Malo. 

04

Siosiomaga Malupuipuia Ma Suiga
O le Tau

E 3 vaega tetele e ave iai le fa’amuamua a le Itumalo ma e fa’aaogaina ai fautuaga o lo’o lolomi i totonu o le CIM Plan 2018-2028 a le Itumalo e aofia ai:  (1) fausia se Fuafuaga Mamao o Taimi o Fa’alavelave Ma’aleale Faalenatura (Disaster Management Plan) e fai ma taiala i taimi o afā,

lologa, sunami ma nisi.  (2) Fausia/faaleleia apitaga (evacuation shelter) mo tagata lautele (aofia ai ma ē iai aafiaga tumau) mamao ese mai ma sone lamatia; (3a) faia se polokalame a afioaga ta’itasi e fa’amamā autafa ma totonu o vaitafe (river channels), alavai (road side drains and culverts) e fa’aitiitia ai lologa i taimi o timuga tetele faapea afā, o lo’o a’afia ai maota ma aiga tu lalata i vaitafe ma auala tele; (3e) tauvaga fa’aletausaga “Environment/Eco-Friendly Award” a le itumalo e una’ia ai afioaga i auala e fa’alaitiitia ai le fa’aleagaina o le siosiomaga ma le tali atu i suiga ma’ale’ale o le tau (building climate resilience of communities); (i) toe tōtō laau i le vaomatua (upland) e fesoasoani e taofiofi le solo ma tafia o eleele o lo’o tapu’e ai le suavai, aua le fofoga taumafa o le itumalo

05

Tulaga I Galuega Ma Atinae Tetele

E 2 vaega tetele e ave iai le faamuamua a le Itumalo i totonu o le 4 tausaga o le Taiala o Atinae.  O nei atina’e e fa’amoemoe le Itumalo e saili seleni ai i nisi pa’aga faapea ai ma tama fanau o le itumalo ona e le gafatia i totonu o le Poloketi 1 Miliona: (1a) Faatau se Pasi a le Itumalo.  O pasi

mai le Itu-Asau e faamoemoe atoa iai le Itumalo.  E leai ni taimi fa’atapula’a o femālaga’iga o nei pasi ma e faigata mo le fanau aoga, tagata matutua ma e iai aafiaga tumau o le Itumalo le fa’atali o le pasi i le vaveao.  O se aseta aogā e le gata i le fa’afaigofie mo fanau aoga, tagata matutua/aafiaga tumau, ae o se aseta fo’i e maua ai se isi alagātupe mo fuafuaga mamao a le Itumalo; (1e) Fausia se isi fale talimalo. Na o Satuitatua Beach Resort o lo’o i totonu o le itumalo. O le fa’amoemoe mamao ia fa’aopoopo se isi fale talimalo ina ia tōsina mai tagata asiasi/maimoa, matagaluega a le Malo o lo’o fai polokalame i totonu o Palauli No.1 ma isi itumalo lata ane (ft: itu Salega) e nonofo ma fa’aalu seleni i totonu o nei fale talimalo. E le gata e maua ai galuega a tagata o le itumalo, ae fa’apea fo’i le faatau atu iai fualaau aina/fualaau mata ma fua o fa’atoaga/faigafaiva lea e fuafua e fa’ataunuuina i totonu o le Poloketi 1 Miliona (2) Fausia se upega tafa’ilagi (website: http://PalauliNo1.ws) ma le Facebook page a le Itumalo e fa’asalalau ma fa’alauiloa ai atina’e ma galuega fa’atino a le Fono Faavae faapea le itumalo atoa. 

KOMITI O LE FONO FAAVAE

FAIPULE O LE ITUMALO

SUI O SATUIATUA

SUI O SALAILUA

SUI O FOAILUGA

SUI O SIUTU

SUI O TAGA

SUI O SALAILUA

SUI O FOAILALO

SUI O FOAILALO

SUI O FOAILALO

SUI O SATUIATUA

SUI O SALAILUA

SUI O SIUTU

SUI O SIUTU

SUI O FOAILUGA

SUI O TAGA

AUFAIGALUEGA A LE FONO FAAVAE

NISI O GALUEGA UA MAEA

1. Fausia ma le fa’atōtoga o le Ofisa o le Fono Faavae (Palauli 1 District Council Office)

O le $200,000 na fa’amatu’u mai e le Komiti Faafoe o le Poloketi Miliona Tala sa fausia ai le ofisa ma faatau ai kesi, nofoa, laulau ma masini faatekonolosi (computers) e fa’aaogaina e le Aufaigaluega ma Sui o le Fono Faavae.  So’o se mataupu tau le Taiala o Atina’e a le Itumalo, o le faatumuina o tusi talosaga mo atina’e taitasi, o feso’otaiga ma matagaluega o le Malo ma isi auaunaga, o lo’o fa’atino uma e le aufaigaluega mai totonu o lenei ofisa.

2. Saili ma fa’afaigaluega tagata o le itumalo i le ofisa o le Fono Faavae

Ina ua pasia le tala o le tupe i le fa’aaogaina o le $200,000, sa toe fa’amatu’u mai e le Komiti Faafoe o le Poloketi Miliona Tala le $150,000 aua totogi o le aufaigaluega (value of SAT$58,534), galuega faatino i aso uma (operational budget) faapea ai ma alauni o Sui o le Fono Faavae (value of SAT$43,460).

3. Atina’e ua faasolo

Ina ua pasia le fa’agasologa o le fa’aaogaina o le $150,000 – sa fa’amatu’u mai loa e le Komiti Faafoe o le Poloketi Miliona Tala le $425,000 muamua (1st tranche) o le $850,000 totoe (1M toese mai ai le $150,000 mo totogi ma alauni ale Fono Faavae) e amata fa’atino ai nisi o atina’e e mafai ona fa’atupeina i totonu o le 1st tranche. Sa fa’ataunu’uina ma le manuia atina’e uma sa fa’atupeina i le $425,000 muamua i a Iuni 2023. 

Sa toe tu’uina mai e le Malo le $425,000 mulimuli (2nd tranche) ia Aukuso 2023.

O oto’otoga nei o atina’e o lo’o faatupeina i le $425,000 mulimuli: 

ITUAIGA TALOSAGA

Taiala Autu 1: Faaleleia le Atina’ega o le Soifuaga Lautele (social development)

1. EDUCATION

      – NUS Scholarships value of SAT$13,932 

      – Preschool Projects value of SAT$23,156

2. YOUTH PROGRAMS

      – Aoaoga, Polokalame ma Fa’atalanoaga Fa’aleagaga value of SAT$14,890

3. POLOKALAME OLA FA’ALEAGAGA (Faifeau & Faletua o le Itumalo ma le Fono Faavae)

      – Aoaoga, Polokalame ma Fa’atalanoaga Fa’aleagaga value of SAT$3000

 

Taiala Autu 2: Fa’alauteleina o le Tamaoaiga ma Gafataulimaina (economic growth)

1. TEUGATUPE 

      – UTOS value of SAT$19,999 (teugatupe e si’itia ai alagatupe ma le tamao’aiga mausali o le Itumalo)

2. AGRICULTURE

     – Povi & Mamoe value of SAT$65,370

     – Fishing Project value of SAT$5,845

Taiala Autu 3: Saogalemu ma le Fa’atuatuaina o Pulega Lelei (security & trusted governance)

1. PULEGA LELEI  

      – Fa’aagava’aina le Fono Faavae, Itumalo ma le aufaigaluega i tulafono ma aiaiga o lo o lima ta’ita’iina ai le Poloketi 1Miliona value of                          SAT$2,472

     – Fa’atalanoaga o tulafono laiti (village by-laws) 

1st TRANCHE ($425,000 muamua)

Aofa’i o le seleni ua fa’aalu i atina’e  = $391,074.00

  • Numera o aiga faamanuiaina talosaga = 398 Number of successful proposals by household = 398

         – Taga 100; Siutu 39; Salailua 98; Satuiatua 71; Foailuga 56 and Foailalo 34

  • Numera o aiga e iai tagata aafiaga tumau ua faamanuiaina = 16

         Number of households assisted with People With Disabilities = 16

2nd TRANCHE ($425,000 mulimuli)

Aofa’i o le seleni ua fa’aalu i atina’e  = $385,087.34

  • Numera o aiga faamanuiaina talosaga = 366 Number of successful proposals by household = 366

  • Numera o aoga fa’ata’ita’i na faamanuiaina = 6 (value of assistance = $29,595.30)

  • Numera o pisinisi laiti na faamanuiaina = 37 (value of assistance = $41,005.00)

POPULAR SITES/SERVICES

TAGA

  1. Alofaaga Blowholes (historical & commercial)
  2. Vai o le Ata Lua (historical)
  3. Masima (historical)
TAGA BLOW HOLES
TAGA BLOW HOLES
VAI LATA
VAI LATA
TAGA BLOW HOLES
TAGA BLOW HOLES
VAI LATA
VAI LATA

SATUIATUA

  1. Satuiatua Beach Resort Accomodation (commercial)
SATUIATUA BEACH RESORT
SATUIATUA BEACH RESORT
SATUIATUA BEACH RESORT
SATUIATUA BEACH RESORT

SIUTU

  1. Traditional Hand-made Siapo
Previous
Next

SALAILUA

  1. Tanoa a Lea ma Lea & Potoimasi (historical)
  2. Ietoga (traditional)
  3. Le Vai Lata (commercial)
  4. Aiga Petrol Station (commercial)
  5. Lepa o Sina Taxi Stand (commercial
TANOA VAI
IETOGA
LE PA O SINA TAXI STAND
VAI LATA

FOAILALO

District Hospital (public services health)

FESOOTAI MAI

info@palauli1.ws

Send us an email

+685-7200303

Give us a call

Office Hours

9:00 AM - 5:00 PM | Monday to Friday